Këngëtarja dhe prezantuesja amerikane, Kelly Clarkson ka bërë një kërkesë për të ndryshuar ligjërisht mbiemrin e saj në Brianne pas divorcit nga ish-bashkëshorti Brandon Blackstock.
Sipas dokumenteve gjyqësore të dorëzuara së fundmi dhe të siguruara nga Us Weekly, ajo ka thënë se ka “dëshirë” që ta bëjë emrin e saj të mesëm, mbiemrin e saj të ri.
“Emri im i ri pasqyron më mirë atë që jam”, shpjegoi Clarkson.
Një seancë gjyqësore në lidhje me kërkesën është caktuar për në 28 mars, ndërsa ylli i hitit “Since U Been Gone”, nuk e ka zbuluar kërkesën e saj për ndryshimin e emrit në mediat sociale ose në emisionin e saj të bisedave gjatë ditës.
