Ashtu siç edhe kishte paralajmëruar, aktori dhe këngëtari Donald Veshaj ka publikuar të shtunën projektin e tij më të ri muzikor.
“Nuk je” mban titullin kënga e tij e re, e cila është një baladë dashurie.
Muzika është realizuar nga miku i tij i besuar, producenti Elgit Doda, gjersa për tekstin është kujdesur vet Donaldi.
Kënga është vizualizuar edhe me një klip, i cili është realizuar nën ngjyrat bardhë e zi.
Klipi i është besuar produksionit nga Shqipëria, MAX Production.
Disa nga vargjet e këngës janë parë si dedikim për ish-të dashurën e tij, prezantuesen Bora Zemani.
