Kanye West i tha Kim Kardashian se do të largohet për të marrë ndihmë. Sipas familjes Kardashian, Kanye ka rënë dakord të ndalojë ngacmimin e ish-gruas së tij dhe bullizimin online të të dashurit të saj Pete Davidson.
Sjellja shqetësuese e reperit bëri që ai të pezullohej nga Instagrami për 24 orë muajin e kaluar dhe performanca e tij u anulua nga ceremonia e çmimeve Grammy.
“Për hir të fëmijëve, Kanye i ka thënë Kimit se nuk do të bëjë asnjë paraqitje publike apo deklarata nxitëse në mediat sociale dhe ai do të largohet diku për t'u përmirësuar”, -tha një burim i afërt me Kardashians.
Burimi shtoi se nuk ishte e qartë nëse West planifikon të shkojë në një institucion trajtimi, pasi ai ka qëndruar në Los Angeles për të qenë pranë fëmijëve.
Shqetësimet për shëndetin e West nisën pasi ai ngacmoi vazhdimisht të dashurin e Kardashian, yllin e "Saturday Night Live" Pete Davidson, përmes muzikës së tij dhe në Instagram.
Situata u bë aq shqetësuese sa Kim-it iu desh t'i lutej publikisht West që t'i jepte fund gjithë kësaj, pasi ajo kishte frikë për sigurinë e Davidson.
West gjithashtu kishte akuzuar Kardashian në Instagram se ajo e kishte penguar të shihte katër fëmijët e tyre. Ajo mohoi pretendimin e tij, duke shkruar në mediat sociale se Kanye duhet të ndalet.
