Robert Aliaj përplaset me Ardit Çunin: Patëm një paraqitje skandaloze në Eurovision

Mediale Vip

Robert Aliaj përplaset me Ardit Çunin: Patëm një paraqitje skandaloze në Eurovision

Më: 18 maj 2022 Në ora: 00:15
Foto ilustrim

Ronela Hajati është përballur me kritika të shumta për shkak të pjesëmarrjes në festivalin evropian “Eurovision 2022”. Këngëtarja, e cila na përfaqësoi me këngën “Sekret” nuk siguroi dot votat e mjaftueshme për t’u kualifikuar në finale. Lidhur me këtë pati një përplasje mes Ardit Çunin dhe Robert Aliajt.

Çuni, i cili ishte i ftuar në emisionin Open, tha se të gjitha fitoret në Festivalin e Këngës janë kontestuar, duke përmendur edhe Rona Nishliun. Aliaj tha se kurrë nuk ka kritikuar Nishliun, të cilën e quajti si “diva”, ndërsa shtoi se Shqipëria pati një paraqitje jo të denjë në këtë edicion.

Pjesë nga debati:

Ardit Çuni: Edhe për Rona Nishliun ashtu thatë…

Robert Aliaj: Mos flisni si skutha, i lini këto muhabete. Rona Nishliu ishte një diva, se kam sharë asnjëherë. Ka pasur edhe të tjerë. Rona shkëlqeu shumë, mbeti në memorien e shumë vendeve. Në atë finale Rona Nishliu u përmend si imazh. E përmendën edhe spikerat. Më erdhi mirë normal.

Nuk është personale situata. Është më shumë tek unë një frustrim që vjen nga një 30-vjeçar tranzicioni. Aty s’bëhet asgjë pa pjesëmarrjen e politikës. Mos të themi që kjo këngë nuk ka qenë e kontestuar kur u shpall fituese. Unë s’do të doja që një festival si Kënga Magjike të merrte këtë.

Ardit Çuni: Të përgëzoj për skandalet që shkakton në televizionet që merr pjesë.

Robert Aliaj: Unë s’të njoh fare.

Ardit Çuni: Të shoh vetëm duke komentuar dhe festival si Kënga Magjike. Të përgëzoj që shan një koncert që ti vetë merr pjesë. Një pjesë e këngëtarëve kanë dalë nga Kënga Magjike.

Robert Aliaj: Të flasim me radhë… Unë nuk dua të merrem me njerëz anonim. Ne nuk kemi kulturë debati.

Ardit Çuni: Nuk e di për çfarë e ka fjalën zoti Aliaj. Ka përgjegjës dhe tituj në këtë delegacion. Delegacioni drejtohet nga RTSH. Unë jam drejtor i medias në rastin konkret. Derejtorët janë pjesë e kontrollit të gjësë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat