Iliri thotë se nuk ka vend për hatërmbetje me Sabianin, ndërsa tregon se ka refuzuar ftesën e Donaldit për të qenë në emisionin e tij

Mediale Vip

Iliri thotë se nuk ka vend për hatërmbetje me Sabianin, ndërsa tregon se ka refuzuar ftesën e Donaldit për të qenë në emisionin e tij

Më: 2 qershor 2022 Në ora: 19:30
Iliri, Sabiani, Donaldi

Balerini Ilir Shaqiri duket se nuk ka asnjë hatërmbetje me Sabianin, por përkundrazi. Në një intervistë në “Goca dhe gra” në Top Channel, fituesi i Big Brother VIP tha se i uron atij gjithmonë të mirat dhe se nuk e di ku i ka mbetur hatri mikut të tij.

“Jam i qetë. I uroj gjithë të mirat Sabit. Unë i them Sabit që jam sot gjithmonë këtu. Nuk di nëse i ka mbetur hatri Sabit. Mendoj se nuk ka vend për hatërmbetje”, është shprehur Iliri.

Sabiani, i cili e cilësonte Ilirin si ‘vëlla’ sa ishin brenda shtëpisë dhe e mbështeti deri në fitoren e tij, mungoi në dasmën e balerinit. Duket se marrëdhënia e tyre u kris pas daljes së Ilirit nga BB VIP, ku i ftuar në “Më lër të flas”, Sabiani tha se miku i tij e ka përdorur dhe kjo ishte arsyeja e krisjes së marrëdhënies së tij.

Më tej, ai ka folur për konkurrentin më të madh brenda shtëpisë, Donald Veshaj, duke lënë të kuptohet se ka refuzuar ftesën për të marrë pjesë në emisionin e vëllezërve Veshaj, “Më lër të flas“.

“Nuk ka asgjë kundra Donaldit. Përveç një rasti që jemi dëgjuar për punë ftese nga ana e Donaldit , nuk kemi pasur asnjë komunikim tjetër. Ne kemi folur 136 ditë, dita e 137 do ishte e tepërt, aq më tepër në një program që quhet ‘Më lër të flas’, dhe që është e drejtë të flasë ai, kështu që është e kotë që të shkoj”, është shprehur balerini.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat