‘Miriami shtatzënë, vëllai në koma, mami e sëmurë rëndë’, Alban Skënderaj rrëfen për momentet më të vështira të jetës

Mediale Vip

‘Miriami shtatzënë, vëllai në koma, mami e sëmurë rëndë’, Alban Skënderaj rrëfen për momentet më të vështira të jetës

Më: 19 qershor 2022 Në ora: 14:52
Alban Skënderaj

Alban Skënderaj ka rrëfyer si rrallëherë disa nga momentet më të vështira të jetës së tij, jashtë kornizës ku ne e shohim si një artist të suksesshëm.

Në një intervistë ndryshe sonte në “A Live Night”, Alban Skënderaj tha se momenti kur mori vesh se nëna e tij vuante nga një sëmundje të pashërueshme ishte momenti më i vështirë i jetës së tij.

Në të njëjtën kohë, ai mori vesh edhe se Miriami ishte shtatzënë, por nuk mbaron me kaq. Pas një muaji, vëllai i vogël i Albanit, pësoi aksident të rëndë, nga i cili qëndroi tri javë në koma.

Albani rrëfen se i përballoi në të njëjtën kohë këto tri ngjarje me dy emocione të kundërta, por ishte shumë e vështirë.

“Momenti më i vështirë është patjetër kur mora vesh që mami ishte sëmurë nga një sëmundje e pashërueshme. Mora vesh që Miriami ishte shtatzënë, priste një fëmijë gjëja më e bukur e jetës time, pas dy muajsh mora vesh sëmundjen e mamit, drama më e madhe e jetës time. Të gjithë përballemi me drama në jetë, herët apo vonë. Pas një muaji, vëllai im i vogël që unë jam shumë i lidhur pëson një aksident shumë të rëndë, dy-tre javë në koma. Miriami sihte gati për të lindur, mami nuk ishte mirë po trajtohej dhe vëllai në koma. Gjithçka mund të na sjellë kjo jetë dhe duhet të jemi gati, por ai ishte moment i jashtëzakonshëm. Dy emocione aq të kundërta. Miriami në muajin e 8, vëllai në shtrat, mami në gjendje shumë të rënde dhe unë po i ndiqja që të tre. Mbaj mend që ka qenë shumë e vështirë”, tregoi Albani sonte në “A live Night”.

commentFirst article
Sot mund të lexoni Shfletoni kopertinat