“Bukuroshja e fjetur”/ Georgina Rodriguez ndan foton e rrallë të vajzës së saj

Mediale Vip

“Bukuroshja e fjetur”/ Georgina Rodriguez ndan foton e rrallë të vajzës së saj

Më: 9 gusht 2022 Në ora: 17:40
Georgina Rodriguez dhe Ronaldo

Prej më shumë se tre muajsh futbollisti Cristiano Ronaldo dhe partnerja e tij Georgina Rodriguez mirëpritën në jetë vajzën e tyre Esmeralda.

Më 18 prill të këtij viti, Ronaldo zbuloi se partnerja e tij kishte sjellë në jetë një vajzë të shëndetshme. Por kjo erdhi së bashku me lajmin tronditës se vëllai i saj binjak i porsalindur ndërroi jetë.

Së fundmi, partnerja e yllit portugez ka publikuar një foto ku duket vogëlushja duke fjetur. Më special se ky imazh është përshkrimi që Georgina i ka bërë fotos.

“Bella Esmeralda. E vogla ime, je një bekim i madh,”-shkruan Roudrigez.

Rikujtojmë se në tetor 2021 çifti zbuloi se prisnin binjakë, por në mënyrë tragjike djali i tyre vdiq në lindje më 18 prill, ndërsa vajza mbijetoi.

Pas lindjes çifti dhe fëmijët e tjerë u kthyen në shtëpi me vajzën e tyre të porsalindur, disa ditë pasi futbollisti konfirmoi se partnerja e tij kishte humbur vëllain binjak të fëmijës.

Sulmuesi ndau një përditësim në rrjetet sociale menjëherë pasi vajza e tyre erdhi në shtëpi pas lindjes së saj. Në mbishkrimin e postimit, ai shkroi: ‘Shtëpi e ëmbël shtëpi. Gio dhe vajza jonë më në fund janë bashkë me ne. Duam t’i falënderojmë të gjithë për fjalët dhe gjestet e mira.

“Mbështetja juaj është shumë e rëndësishme dhe ne të gjithë ndjejmë dashurinë dhe respektin që keni për familjen tonë. Tani është koha për të qenë mirënjohës për jetën që sapo kemi mirëpritur në këtë botë.’

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat