Sarah Jessica Parker, e cila u nderua në ngjarjen e 10-të Ballet Fall Fashion Gala në New York City të mërkurën mbrëma, iu desh të largohej nga eventi në minutën e fundit për shkak të një emergjence familjare.
Një burim i cili ishte i pranishëm në gala tregoi për Page Six se pak momente pasi aktorja mbërriti në Teatrin David H. Koch në Lincoln Center, ajo u largua përsëri. U tha se, në një moment të çuditshëm dramatik, ata njoftuan nga skena se ajo duhej të tërhiqej nga ngjarja për shkak të një "situate të papritur shkatërruese familjare".
Aktorja e "Sex and the City" është nënkryetare e Bordit të Drejtorëve të NYCB. Ajo ishte gjithashtu truri pas Gala-s së Fall Fashion, që u festua për herë të parë në vitin 2012.
Që atëherë, ngjarja ka mbledhur më shumë se 24 milionë dollarë për Baletin.
Lajmi për tërheqjen e saj në minutën e fundit vjen vetëm një ditë pasi ajo mori pjesë në premierën e "Hocus Pocus 2" me bashkëshortin e saj, Matthew Broderick.
Edhe vajzat e tyre binjake 13-vjeçare, Marion dhe Tabitha, bënë një paraqitje të rrallë në tapetin e kuq teksa shoqëronin prindërit e tyre.
Parker dhe Broderick i mirëpritën vajzat e tyre përmes një nëne surrogate në vitin 2009 - shtatë vjet pasi lindi djali i tyre, James, tani 19 vjeç.
Broderick dhe Parker u takuan për herë të parë në vitin 1991 dhe u martuan dy vjet më vonë.
