Jennifer Aniston nuk është një ‘fanse e flaktë’ e rrjeteve sociale.
“Unë i urrej mediat sociale. Nuk jam e mirë me to,”- tha ajo për revistën ‘Allure’.
Kur aktorja iu bashkua Instagramit në tetor 2019, ajo pranoi se ishte ” personi më pak i entuziasmuar që e bëri këtë”, por shpjegoi se më në fund u bashkua kur “u lodh” nga njerëzit që i kërkonin të hapte një profil të sajën. Ajo madje vendosi një rekord në atë kohë duke fituar 1 milion ndjekës në më pak se pesë orë . (Tani, ajo ka 40.7 milionë ndjekës.)
Ajo i tha Allure: “Është torturuese për mua. Arsyeja që shkova në Instagram ishte për të nisur këtë linjë për kujdesin e flokëve “LolaVie”. Më pas pandemia goditi dhe ne nuk e nisëm. Kështu që unë thjesht mbeta në Instagram. Ajo nuk vjen natyrshëm”.
“Jam vërtet e lumtur që përjetuam rritjen, të qenit adoleshent, të qenurit në të 20-at pa këtë aspekt të mediave sociale”, tha Aniston. “Shikoni, interneti, qëllime të mëdha, apo jo? Lidhni njerëzit në shoqëri, rrjetet sociale. Kjo shkon prapa tek ajo se si vajzat e reja ndjehen për veten e tyre, krahasojnë dhe dëshpërohen.”
Në vitin 2015, Aniston i tha PEOPLE se si mediat sociale e bënë atë të “ndihej e stresuar”. Ajo tha gjithashtu se ishte e shqetësuar për efektin që mediat sociale po kanë tek brezi i ri.
“Fëmijët nuk po flasin më me njëri-tjetrin,” tha ajo në atë kohë. “Unë isha me miqtë tanë nga Vermonti dhe dy fëmijët e tyre nuk kanë iPhone ose iPad. Ata ishin 9 dhe 12 vjeç dhe ishin shumë interesantë. Duke parë fëmijë të tjerë në telefonat e tyre gjatë gjithë kohës, kjo më trishton.”
Aniston tregoi dhe një situatë kur Instagrami iu bllokua pasi publikoi një foto me miqtë e saj.
“Nuk e kam idenë se si ndodhi kjo. Nuk ka fytyrë më të tronditur se ajo që bëra”.
Aniston shtoi se ajo ishte duke shijuar “arritjen e saj” me mediat sociale, pavarësisht se hezitoi në fillim.
“Shumë nga miqtë e mi kishin filluar ta bënin këtë dhe unë nuk doja të isha ai person që nuk bëhej pjesë e tyre dhe të thoja: ‘Jo! Unë nuk do të luaj’. Pra, është argëtuese. Por dreqin, ka edhe shumë mesazhe emocionuese” -tha Aniston.
