U bë e njohur në “Tik-Tok”, aplikacioni i cili shumë përdoruesve po u ofron mundësi të pafundme.
Kështu, pas një video që Zoja Nushi nga Gjakova e realizoi, ajo menjëherë u kthye në një ndër personat më viralë.
Nga aktiviteti në rrjetin social TikTok, ajo thotë se ka fitim.
“Krejt e dina pjesën e TikTokut që është fitimprurëse, normal. Thuja ti krejt gajlet na i ka hekë”, tha Zoja në T7.
Ajo tregon tutje se gjithmonë ka pasur jetë luksoze. Ndërkaq, nuk hezitoi të flasë as për shumën e parave që e harxhon në muaj, e që prek, sipas saj, shifrën deri në 8 mijë euro.
“Realisht, me të kallxu të drejtën shpenzimet janë pak të mdhaja, t’u e marrë parasysh që na jena femra, pjesa e kozmetikës, pjesa e veshjes e këto… sillet rreth 7-8 mijë qashtu”.
