Modelja Xhylije (Xhuli) Nura rezultoi e treta në finalen e madhe të Big Brother VIP Kosova.
Spektaklin e madh e fitoi reperi nga Shqipëria, Arkimed Lushaj – Stresi, gjersa i dyti përfundoi aktori i humorit, Vedat Bajrami.
Pas përfundimit të aventurës së madhe të BBVK, Xhuli dha një intervistë të shkurtër për ‘Prive’, ku foli për eksperiencën e saj të mrekullueshme.
Siç e ceka edhe më herët, karriera e disa njerëzve që janë më shumë se unë, ka ndikuar që unë të mos jem fituese sonte. Por unë jam fituese e popullit, dhe për mua kjo është numër një që ka vlerë”, ka thënë Xhuli.
Përgjatë 103 ditëve të qëndrimit në BBVK, bukuroshja nga Drenica u shqua si një pre konkurrenteve më të forta në këtë spektakël.
Ajo ka qenë një prej banoreve më të nominuara për të dalë, por publiku vazhdimisht e ka mbajtur brenda.
