Brigitte Macron ka zbuluar se ka pritur 10 vjet për t'u martuar me presidentin francez Emmanuel Macron, në mënyrë që ajo "të mos shkatërronte jetën e fëmijëve të saj", të cilët ishin rreth moshës së tij.
Zonja e parë franceze (70) ka dhënë një vështrim të rrallë të marrëdhënies së saj me burrin e saj (45) në një intervistë për revistën e gazetës Paris Match.
"E vetmja pengesë ishin fëmijët e mi. Mora kohën time që të mos u prishja jetën. Ajo zgjati 10 vjet. Mund ta imagjinoni se çfarë dëgjuan. Por unë nuk doja të humbisja jetën time", tha Brigitte.
Çifti filloi të takohej kur ajo ishte 40-vjeç dhe ai 15. Ajo ishte mësuesja e tij e dramës në shkollën në Amiens, një qytet në Francën veriore, dhe vajza e saj ishte shoqja e tij e klasës. Edhe pse prindërit e dërguan në Paris kur lidhja e tyre doli në dritë, ai ishte ende i vendosur të qëndronte së bashku.
"I thashë vetes se ai do të dashurohej me dikë të moshës së tij. Kjo nuk ndodhi. Nuk e di se si do të reagonin prindërit e mi, të cilët ishin model besnikërie dhe edukimi të mirë ndaj martesës sonë", tha Zonja e parë franceze.
Ajo u divorcua nga ish-bashkëshorti i saj André-Louis Auzière, një bankier, në vitin 2006. Auzière vdiq në vitin 2019 dhe së bashku kanë një djalë dhe dy vajza.
Më pas ajo u martua me Emmanuel Macron në vitin 2007, 10 vjet para se ai të bëhej presidenti francez.
