Benny Blanco së fundmi ka folur për marrëdhënien e tij me të fejuarën e tij, Selena Gomez, duke zbuluar disa frikëra që ka për të ardhmen e tyre. Në një intervistë, producenti i njohur muzikor ka shprehur admirimin për të, ndërsa ka folur edhe për pasiguritë që e mundojnë.
Siç tha ai për “Interview Magazine”, ai shpesh shqetësohet se Selena Gomez mund të ndryshojë mendje për marrëdhënien e tyre. “Kam frikë se një ditë do të zgjohet dhe do të thotë: “Çfarë? Jo”, tha ai. Këngëtarja nga ana e saj është kujdesur që ta qetësojë duke i thënë: “Kam ngecur me ty”, ndërsa më pas e cilësoi si një person “shumë romantik”.
Producenti muzikor theksoi se marrëdhënia e tyre karakterizohet nga një mbështetje e ndërsjellë, pa konkurrencë. “Nuk ka egoizëm mes nesh”.
Çifti përmendi edhe albumin e tyre të shumëpritur, të titulluar “I Said I Love You First”, i cili do të publikohet më 21 mars. Muzikanti pranoi se ata fillimisht ishin në mëdyshje për bashkëpunimin e tyre, por ranë dakord të ndalonin nëse procesi do të bëhej i pakëndshëm ose “i çuditshëm”. Me gjithë dyshimet fillestare, albumi më në fund mori formë, me shumë punë dhe dashuri.
