Në orët e para të ditës së sotme, aktori kuban William Levy është arrestuar në Broward County, Florida. Burimet thonë se 44-vjeçari u ndalua nga policia për sjellje të pahijshme.
Akuzat përfshinin dehje publike, sjellje të çrregullt dhe hyrje në një pronë pa leje. Mediet kanë shpërndarë edhe foton e tij të arrestimit, ku aktori nuk duket në gjendjen e tij më të mirë.
Sipas Telemundo, aktori mbetet në paraburgim në burgun e Weston, një qytet në Florida.
Për momentin, as ish-partnerja dhe as fëmijët e yllit të telenovelave spanjolle nuk e kanë komentuar situatën në rrjetet sociale.
Ky rast shënon incidentin e dytë ligjor për Levy-n në më pak se një vit. Vitin e kaluar, policia iu përgjigj një telefonate nga ish-partnerja e tij, Elizabeth Gutiérrez, pasi ajo pretendonte se Levy ishte shumë i dehur dhe në shoqërinë e një gruaje tjetër në shtëpinë e tij.
Edhe pse ai incident nuk çoi në veprime të mëtejshme, ndezi një stuhi mediatike rreth aktorit dhe jetës së tij personale.
