Gary Oldman ka pranuar se ka pasur një problem me alkoolin që e bëri të ishte "shkatërrues" në setin e filmit “A Scarlet Letter” me Demi Moore, sipas Daily Mail. Ai shpjegoi se gjatë xhirimeve kishte pirë shumë, dhe më pas kërkoi falje nga Demi për papërgjegjshmërinë e tij, ndërsa ajo iu përgjigj se ishte "zhgënjyer".
Fituesi i çmimit Oscar, 67 vjeç, luajti rolin e Arthur Dimmesdale në filmin romantik të vitit 1995, së bashku me Demi Moore, tani 62 vjeçe.
Duke folur për Radio Times këtë javë, ai tha: Mendoj se gjëja më e keqe që mund të bësh është të shkaktosh zhgënjim. Isha në filmin The Scarlet Letter me Demi Moore, dhe gjatë xhirimeve pata periudha të herëpashershme pijesh.
Oldman u arrestua në vitin 1991 për vozitje nën ndikimin e alkoolit dhe ka qenë abstinent për 27 vjet, duke falënderuar orgnaizatën që ndihmon mposhtjen e varësisë, Alcoholics Anonymous, për ndihmën. Ai fitoi një Oscar për rolin e tij si Winston Churchill në Darkest Hour, dhe ka thënë se ky rol ishte "më i rrezikshmi" që ka marrë.
Së fundmi, ai ka luajtur Jackson Lamb, një agjent të dështuar MI5, në Slow Horses dhe ka treguar se janë duke punuar për sezonin e gjashtë. Po ashtu, ai ka lavdëruar Demi Moore për suksesin e saj të fundit në çmimet e industrisë së filmit.
Demi fitoi një Golden Globe dhe një çmim SAG për rolin e saj në The Substance, ndërsa Gary u nominua për aktorin më të mirë në një dramë për Slow Horses, por Hiroyuki Sanada fitoi çmimin për rolin në Shogun.
