Siç duket, vajza e re e muzikës shqiptare ka nisur fort dhe nuk ka ndërmend të ndalet me projektet e saj muzikore.
Bëhet fjalë për këngëtaren Edona Hossli, e cila sapo ka publikuar një projekt të bukur, për të cilin mësojmë se xhirimet e videoklipit janë realizuar në Zvicrën piktoreske, ku edhe jeton (me origjinë nga Prizreni).
Kënga mban titullin "Pse" dhe është realizuar në bashkëpunim me produksionin Shqip Vibes, në studion A-Recording, ndërsa klipi është punuar nga DreamFilms.
Kënga është mjaft interesante dhe mund ta ndiqni e dëgjoni në linkun më poshtë.
Bukuroshja, e cila është edhe modele, dëshiron tashmë të merret më seriozisht me muzikë. Mësojmë se ajo ka në plan edhe dy projekte të tjera që do të publikohen në muajin qershor.
