Artistët e njohur Diona Fona dhe MC Kresha kanë publikuar këngën e tyre më të re, të titulluar “Paso”.
Ky projekt muzikor vjen si një përzierje e freskët e zhanreve urban dhe pop, me një energji të veçantë që e bën këngën të dallojë në treg.
Teksti i “Paso” është shkruar nga vetë Diona, MC Kresha dhe Ada Satka, të cilët kanë kontribuar edhe në krijimin e melodisë, duke siguruar një material autentik dhe tërheqës.
Produksioni muzikor është realizuar nga Adion the Beat dhe Lurro Music, dy emra që po bëhen gjithnjë e më të njohur për prodhime moderne dhe cilësore.
‘Beat’-i i fuqishëm dhe dinamika ritmike i japin këngës një atmosferë perfekte për klubet dhe verën që sapo ka nisur.
Pjesë e rëndësishme e këtij projekti është edhe videoklipi, i cili është realizuar nga Mars Studio. Me një estetikë bashkëkohore dhe pamje vizuale shumëngjyrëshe, klipi arrin të përçojë energjinë e këngës dhe të theksojë karizmën e dy artistëve.
“Paso” vjen si një tjetër dëshmi e bashkëpunimeve kreative brenda skenës muzikore shqiptare dhe premton të jetë një nga hitet më të dëgjuara të sezonit.
