Cardi B ka hedhur akuza të hapura ndaj ish-partnerit Offset në këngën e saj të re “Outside”, duke lënë të kuptohet për një romancë të re me yllin e NFL, Stefon Diggs.
Në tekstin e këngës, reperja 32-vjeçare këndon: “Lojtari i preferuar nga ekipi yt i preferuar është në mesazhin tim të drejtpërdrejtë”, duke nënkuptuar lidhjen e saj me Diggs, tashmë pjesë e New England Patriots. Dyshja janë bërë zyrtarë edhe në rrjetet sociale.
Publikimi i këngës vjen pas një periudhe tensionesh mes Cardi B dhe Offset, me të cilin ajo ka tre fëmijë, shkruan DailyMail.
Së fundmi, ajo ka shpërthyer në rrjetet sociale, duke akuzuar Offset për mosdhënie të asnjë ndihme financiare për fëmijët që nga ndarja.
Cardi zbuloi se paguan vetë për gjithçka – nga shkollat private që kushtojnë dhjetëra mijëra dollarë, te shoferi dhe kuzhinieri personal, e deri tek dadot dhe mësimet e specializuara për fëmijët.
“Një vit i tërë me fatura të fëmijëve vetëm për mua”, tha ajo. “Offset nuk ka paguar asnjë qindarkë”.
Ajo gjithashtu e akuzoi atë për kërkimin e mbështetjes bashkëshortore, duke theksuar se ka përballuar çdo shpenzim vetë, pa asnjë ndihmë.
