Këngëtari i njohur shqiptar, Blero Muharremi dhe partnerja e tij Eronita i kanë dhënë fund beqarisë duke kurorëzuar dashurinë e tyre me martesë.
Çifti ka organizuar një festë private në prani të familjarëve, miqve e njerëzve të tyre të afërt.
Nga imazhet e para të publikuara në rrjete sociale, vihet re një ambient elegant dhe i kuruar deri në detajet më të vogla, i realizuar në një nga hotelet luksoze të kryeqytetit.
Kjo ndërkohë është martesa e tretë për Bleron.
Ai ka qenë më parë i martuar me aktoren Teuta Krasniqi, me të cilën ka edhe një vajzë.
Pas kësaj, këngëtari u martua me Afrona Dikën, martesë po ashtu që përfundoi pas disa vitesh.
Martesa me Eronitën shënon një kapitull të ri në jetën personale të këngëtarit, ndërsa fansat i kanë uruar çiftit dashuri dhe harmoni në këtë rrugëtim të ri së bashku.
