Hasna Begum është dënuar me 20 vite burg për vrasjen e ish të dashurit të saj vetëm pse ky i fundit kishte hapur një profil në një nga rrjetet sociale.
25-vjeçarja edhe pse kishte 5 muaj e ndarë nga ai, nuk ka mundur ta pranojë faktin e të qenurit larg dhe i shkruante vazhdimisht në Instagram me profile të rreme, deri sa vendosi ta vriste, shkruan metro.co.uk.
Ajo e la të vdekur pasi e sulmoi me thikë 23 vjeçarin, Pietro Sanna pasi zbuloi se kishte hapur një profil në Tinder, një aplikacion që shërben për miqësi të reja.
Ngjarja ndodhi në shtëpinë e ish-të dashurit të saj ku Begum e qëlloi atë disa herë më thikë teksa ai ishte duke fjetur.
Mësohet se 25-vjeçarja kishte vënë një paruke bionde dhe kishte veshur një palë doreza për të fshehur gjurmët. Pas kishte kryer krimin dhe pa se 23vjeçari kishte ndërruar jetë, ajo mori një taksi dhe u largua nga banesa e tij.Hodhi rrobat më gjak në një kazan mbeturinash dhe shkoi drejt një qendre mjekësore, pasi kishte lënduar gishtin e saj. Viktima është gjetur nga të afërmit e tij, pas tre ditësh nga ngjarja.
