Kryetari i Prishtinës, Shpend Ahmeti ka reaguar pas publikimit të të dhënave të fundit nga IKSHPK lidhur me COVID-19.
Ahmeti tha se Prishtina sot pati 237 raste dhe nuk u shënua asnjë vdekje në 24 orëshin e fundit.
Por që në Prizren u regjistruan tri vdekje. Ahmeti pyeti nëse COVID-i i Prizrenit është më i rrezikshëm? E që sipas tij ka të bëjë pikërisht me numrin e testeve dhe se masat janë të bazuara në numra që s’kanë kuptim.
Shpend Ahmeti shtoi se pasojat e masave të gabuara janë të mëdha.
Postimi i plotë:
Sot Prishtina 237 raste e zero vdekje nga covidi!
Prizreni 29 raste e 3 vdekje’
A thua Covidi i Prizrenit më i rrezikshëm? Natyrisht se Jo. Ka të bëjë me numrin e testeve. Prandaj masat janë të bazuara në numra që skanë kuptim.
Në pesë ditët e fundit numrat e të infektuarve kanë qenë
25 nëntor – 704
26 nëntor – 775
27 nëntor – 764
28 nëntor – 639
29 nëntor – 626
Në fillim krijohet bindja se është në rënie.
Por në qoftë se e shikojmë si përqindje e testit storia është tjetër.
25 nëntor – 704/1651 42.6 %
26 nëntor – 775/1903 40.7 %
27 nëntor – 764/1827 41.8 %
28 nëntor – 639/1565 40.8 %
29 nëntor – 626/1505 41.5 %
Pra 40 përqind positivity është tepër tepër shifër e lartë. Dhe nuk po bjen.
Pasojat e masave të gabuara janë të mëdha. Jo për qytetet në zonën e kuqe por për ato në zonën e verdhë dhe të gjelbërt. Thuhet se nuk kanë raste për shkak se numrin e testeve e kanë të vogël. Ndëraa ata sillen pa restriksione dhe qytetarët mendojne se janë të sigurtë.
