E tmerrshme: Për një rezonancë magnetike të trurit në QKUK, pacienti duhet të presë deri më 1 gusht 2022

Prishtina

E tmerrshme: Për një rezonancë magnetike të trurit në QKUK, pacienti duhet të presë deri më 1 gusht 2022

Më: 26 dhjetor 2021 Në ora: 14:56
Foto ilustrim

Në Qendrën Klinike Universitare të Kosovës nuk është punë të hiqen listat e pritjes për pacientët.

Media ka publikuar dy ankesa  nga pacientë pasi janë vendosur në listë të pritjes për diagnostikë në Klinikën e Radiologjisë në QKUK.

Madje rasti i njërit prej tyre është skandaloz për faktin se i është kërkuar rezonancë magnetike për diagnostikimin e trurit, por për ta bërë një gjë të tillë atij do t’i duhet të presë deri më 1 gusht të vitit të ardhshëm.

Kështu atij i është caktuar data pas më shumë se tetë muajsh nga zyrtarët e klinikës. “MRI e trurit, 01.08.2022 ora 13:00”, është shkruar në dokumentin i cili mban vulën e klinikës.

Një tjetër rast me pritje të gjatë është edhe një pacient i cili ka nevojë të kryej një rezonancë magnetike të gjurit. Atij i është caktuar termini më datën 22 korrik të vitit të ardhshëm.

Pacientëve nuk iu është dhënë ndonjë sqarim për këto pritje të gjata, ndonëse më parë nga kjo klinikë patën deklaruar se janë hequr listat e pritjes për MRI.

Ndryshe në QKUK janë dy rezonanca magnetike, njëra e vendosur në klinikën e Onkologjisë dhe tjetra në klinikën e Neurologjisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat