VV-ja dorëzon kallëzim penal ndaj Drejtorisë së Inspekcionit në Prishtinë

Prishtina

VV-ja dorëzon kallëzim penal ndaj Drejtorisë së Inspekcionit në Prishtinë

Më: 19 prill 2022 Në ora: 20:37
Vetëvendosje

Qendra e Lëvizjes Vetëvendosje në Prishtinë ka dorëzuar kallëzim penal në Prokurorinë Themelore të Prishtinës ndaj inspektorëve të Drejtorisë së Inspekcionit në Komunën e Prishtinës, kjo sipas tyre, për keqpërdorim të detyrës zyrtare.

Sipas VV-së, inspektorët nuk kanë ndërhyrë në objektin e Lidhjes Demokratike të Kosovës, që ata e quajnë pa leje.

“Më 6 prill 2022, mbajtëm konferencë të jashtëzakonshme duke prezantuar refuzimin e lejes nga Komuna e Prishtinës, përkatësisht Drejtoria e Urbanizmit, që ia kishin bërë LDK-së. Pavarësisht kësaj, ata sërish kishin ndërhyrë në këtë objekt”.

“Ne, në konferencë paralajmëruam që jemi duke e përgatitur një kallëzim penal. Dy javë më vonë, ndonëse shpresuam se Drejtoria e Inspekcionit do të marrë masa, një gjë e tillë nuk ndodhi, prandaj edhe sot deponuam këtë Kallëzim Penal”.

“Presim nga organet e drejtësisë që të marrin masa ndaj atyre që e keqpërdoren detyrën zyrtare duke toleruar ndërtime pa leje në qendër të qytetit. Dhe, ftojmë LDK-në që të tërhiqet nga kjo traditë e saj, sepse po e ngulfat kryeqytetin”, thuhet në njoftimin e LVV-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat