Një vit në krye të Prishtinës, Përparim Rama thotë se do ta vë kryeqytetin në “rrugën e duhur”

Prishtina

Një vit në krye të Prishtinës, Përparim Rama thotë se do ta vë kryeqytetin në “rrugën e duhur”

Më: 7 dhjetor 2022 Në ora: 10:29
Kryetari i Komunës së Prishtinës, Përparim Rama

Sot janë bërë një vit që kur Përparim Rama ka marrë detyrën si kryetar i Prishtinës.

Rama, një vit më parë është betuar se do të kryejë me përgjegjësi dhe në përputhje me kompetencat detyrën e tij si kryetar i Prishtinës.

Rama teksa ka kujtuar këtë moment ka thënë se projektet për transformimin e Prishtinës dhe transformimin e jetës së qytetarëve do të vazhdojnë.

“Fillimet janë plot sfida, të cilat vetëm nëpërmjet dedikimit, energjisë dhe punës së pandalshme të krejt ekipit, do t’i kapërcejmë, e të vëmë në rrugën e duhur projektet dhe planet për transformimin e Kryeqytetit dhe përmirësimin e jetës së gjithsecilit’’, ka shkruar ai.

Përparim Rama fitoi zgjedhjet në Prishtinë në rundin e dytë, atë të balotazhit, duke e përmbysur rezultatin nga rundi i parë kur doli i dyti pas Arben Vitisë së Vetëvendosjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat