Kryetari i Prishtinës, Përparim Rama, është pritur në takim nga kategoritë civile të luftës në Kosovë.
Rama ka premtuar vazhdim të mbështetjes.
“Kryeqyteti duhet të jetë gjithmonë pranë atyre që kanë paguar çmimin më të lartë të lirisë. Sot u takuam me përfaqësues të kategorive civile të luftës, që mbajnë ende në zemër plagët e së kaluarës”, tha Rama.
Ai theksoi se do të sigurojnë bileta falas në transportin urban për këtë kategori.
“Do të sigurojmë mbështetje konkrete për ta: Bileta falas në transportin urban. Po shqyrtojmë gjetjen e hapësirave për aktivitetet dhe nevojat e tyre komunitare”, tha Rama.
“Ne jemi këtu për t’i mbështetur, jo vetëm me fjalë, por me vizion të qartë dhe veprime konkrete”, përmbylli postimin e tij Përparim Rama.
