Kapen dy persona me kamionçinën plot me hekur të vjedhur. Ja ç’bëri një prej tyre kur po i dërgonin në polici

Shqipëria

Kapen dy persona me kamionçinën plot me hekur të vjedhur. Ja ç’bëri një prej tyre kur po i dërgonin në polici

Më: 6 maj 2021 Në ora: 09:51
Foto ilustrim

Policia e Kurbinit ka vënë në pranga dy persona, pasi u kapën me kamionçinën plot me hekur, që sipas autoriteteve e kishin vjedhur në ish-uzinën e Laçit.

Po ashtu policia njofton se një prej tyre, 32-vjeçari, gjatë shoqërimit në Komisariat ka dëmtuar me gurë  automjetin e Policisë.

Njoftimi i plotë:

Vijon puna për parandalimin dhe goditjen e paligjshmërisë.

Vodhën metale tek ish-uzina në Laç, falë reagimit të shpejtë të Policisë arrestohen në flagrancë autorët.

Specialistët për Hetimin e Krimit në Komisariatin e Policisë Kurbin bënë arrestimin në flagrancë të shtetasve G. A., 25 vjeç dhe R. L., 32 banues në Kurbin, me precedentë të mëparshëm kriminal në fushën e armëmbajtjes pa leje dhe të vjedhjes. 

Këta shtetas janë kapur në flagrancë nga shërbimet e Policisë, me mjetin tip kamionçinë me drejtues shtetasin G. A. dhe pasagjer shtetasin R. L., të ngarkuar me hekur, të cilin e kishin vjedhur tek ish-uzina në Laç. 

Gjatë shoqërimit të tyre në Komisariatin e Policisë Kurbin, shtetasi R. L. ka dëmtuar me gurë  automjetin e Policisë. 

Materialet i kaluan Prokurorisë së Rrethit Gjyqësor Kurbin, për veprime të mëtejshme, për veprën penale “Vjedhja” kryer në bashkëpunim dhe “Shkatërrimi  i pronës”.

commentFirst article
Sot mund të lexoni Shfletoni kopertinat