Kryeministri Rama u sugjeroi të rinjve që duan të kontribuojnë për vendin që të paraqesin mënyrat e konkretizimit të ideve te tyre. Gjatë bisedës online me ta, Kryeministri u premtoi takim me ministrat në baze të projekteve përkatëse.
Të rinjtë që kanë aplikuar për nismën e qeverisë shqiptare “Gati për Shqipërinë”, do të kenë mundësinë e takimeve virtuale me ministrat përkates në bazë të projekteve që ata mbulojnë.
Kryeministri Rama në një tjetër takim me të interesuarit u tha atyre të kenë durim, ndërsa ngarkoi koordinatoren e programit tu kthejë përgjigje në kohë të rinjve për kontributin.
Gjatë bisedës online Kryeministri u sugjeroi të rinjve të paraqesin dhe mënyrën e implementimit të ideve të tyre ndërsa priti me batuta projektin e njërit prej tyre.
I riu: Kam pasur disa eksperienca në industri në Amerikë. Kam pasur eksperienca mësimdhënie në universitet, në kërkime shkencore, fokusin e kërkimeve shkencore e kam pasur në kërkim 3D.
Rama: Mund të punosh dhe me mua për 3D, unë vdes për 3D.