Fëmijët, probleme me shikimin/ Nga kontrollet, 7 në 10 fëmijë janë dëmtuar nga telefonat

Shqipëria

Fëmijët, probleme me shikimin/ Nga kontrollet, 7 në 10 fëmijë janë dëmtuar nga telefonat

Më: 22 qershor 2021 Në ora: 12:18
Foto ilustrim

Me fillimin e regjistrimeve për në klasë të parë fëmijët 6 vjeçarë duhet të bëjnë edhe një kontroll tek okulisti.

Përdorimi i telefonave, ipadit dhe qëndrimi me orë të zgjatura para ekraneve të tyre dhe atij të televizorit duket se ka shkaktuar dëme serioze në shikimin e tyre.

“7 në 10 fëmijë kanë probleme me shikimin”, shprehet Dr. Suzana Zhuka, mjeke okuliste.

Mjekja thotë se prindërit duhet të ndërgjegjësohen për një kontroll rutinë të fëmijëve 4 deri në 7 vjeç, pasi kështu mund të parandalojnë humbjen e shikimit të fëmijëve në një moshë më të rritur.

Prindërit, sipas mjekes okuliste duhet të bëjnë kujdes me kohën e qëndrimit të fëmijës para ekranit, pozicionin e qëndrimit por nga ana tjetër duhet edhe të informohen për ushqyerjen e fëmijës me vitamina që forcojnë shikimin, siç janë konsumi i karotës, boronicës e të tjera fruta apo perime, që ndikojnë pozitivisht.

commentFirst article
Sot mund të lexoni Shfletoni kopertinat