Gazetari Elton Qyno ka zbardhur detaje të reja nga ekzekutimi në Babicë të Vlorës, të 25-vjeçarit Xhuljano Bullari.
I riu është qëlluar me tre plumba, por plumbi fatal për jetën ka qenë ai që u qëllua në kokë.
Viktima ishte i ulur në sediljen e shoferit në mjetin tip Fiat Punto me ngjyrë jeshile, me targa Tr 3784 R, e cila rezulton se është në pronësi të një shtetaseje nga Tirana.
Qyno u shpreh se ka qenë pikërisht makina që ka çuar në identifikimin e viktimës. Viktima nuk kishte asnjë lidhje me pronaren e makinës, por ishte djali i saj i cili i kishte dhënë makinën Xhuljanos, ai që ka identifikuar edhe të riun.
"Nga mënyra se si është kryer krimi dhe duke parë origjinën e personit të përfshirë në krim, pra viktimën nga Tirana që ka udhëtuar në drejtim të Vlorës dhe ende nuk dihen shkaqet pse ka shkuar dyshimi të çon se ai kishte shkuar të takonte persona me kontigjent kriminal në këtë zonë.
Ka qenë makina e tij tip "Fiat Punto" e cila shërbeu për të identifikuar viktimën. Makina i përkiste një gruaje nëTiranë dhe policia në kuadër të veprimeve për zbardhjen e ngjarjes dhe identitetin e viktimës është gjetur gruaja dhe është marrë në pyetje. Dëshmia e gruas ka shërbyer vetëm për pjesën se kujt ja kishte dhënë makinën.
Viktima nuk kishte asnjë lidhje me zonjën, por kishte viktima me djalin e zonjës në dijeninë time. Djali i gruas ja kishte dhënë makinën viktimës. Ishte djali i pronares së makinës që ka treguar se makinën ja kishte dhënë një personi tjetër i identifikuar si Xhuljano Bullari.”, tregoi Qyno.
