Një ditë para nisjes së procesit mësimor shtesë, Instituti i Shëndetit Publik ka publikuar udhëzuesin për të gjithë nxënësit dhe mësuesit në kuadër të masave të parandalimit të përhapjes së COVID.
ISHP këshillon mbajtjen e maskës gjatë orëve të mësimit por edhe gjatë pushimeve si dhe larjen e shpeshtë të duarve.
Ajo bën apel që të mbuloni gojën dhe hundën kur kolliteni dhe të shmangni kontaktin e afërt me të tjerët.
-Gjithmonë mbani maskë gjatë orëve të mësimit dhe gjatë pushimeve
-Lani duart shpesh
-Kur kolliteni ose teshtini mbuloni gojën ose hundën tuaj
-Shmangni kontaktin e afërt me të tjerët
-Mos lejoni që të tjerët të përdorin sendet tuaja personale
-Hapni shpesh dritaret sidomos pas mbërritjes në shkollë, gjatë pushimit të drekës dhe kohës së pastrimit
-Pastroni rregullisht tryezën tuaj me dezinfektues me bazë alkooli
-Nëse ndiheni të sëmurë-keni ethe, dhimbje fyti, kollë ose rrjedhje të hundëve, tregojini menjëherë mësuesit tuaj
-Nëse shqetësimi juaj konfirmohet mos u frikësoni; thjesht ndiqni udhëzimet e mësuesit