Elton Metaj, vrasësi i Sabrina Bengajt në një lidhje telefonike në emisionin “Shqëipëria Live” në Top Channel tha se nuk donte ta vriste ish-bashkëshorten.
Ai u shpreh se vjehrri i tij e ka ndjekur me armë dhe e ka kërcënuar. Sipas Metajt, ai e dinte të plagosur dhe jo të vdekur Sabrinën dhe prandaj u largua.
“Vjehrrri më ka ndjekur me armë. Ajo mu hodh sipër. Nuk doja ta vrisja, shkova për vjehrrin. Doja të merrja vajzën.Pas kësaj që ndodhi nuk e di. Dhimbjen po e ndjej unë, sa duan ata të japin, e qëlloi vjehrri, dëshira e tij ishte, jeni të vdekur të dy më tha. Ku e do vija unë çfarë po bëja. Ika u largova, për veten time i mbaroj hallet. Nuk e di pse u largova, nuk e dija se çfarë ndodhi, e dija të plagosur, nuk e dija të vdekur”, tha Metaj.
“Me kalimin e kohës Eltoni nuk më lejonte të vazhdoja shkollën dhe të punoja, pasi ishte me mendime patriarkale”.
Ky është rrëfimi i Sabrina Bengaj që nuk jeton më dhe njeriu për të cilin ajo flet është bashkëshorti që e vrau, Elton Bengaj.
Ky qëndrim i të resë që tetë muaj pas divorcit u vra prej ish-bashkëshortit është fiksuar në vendimin qe iu vendos në dispozicion Top Channel.
Sabrina rrëfen me tej: “Duke qenë në moshë të re i jam nënshtruar dhunës psikologjike dhe fizike të të paditurit”.
Por nëna e një vajze rrëfen para gjykatësit se fundi i martesës erdhi nga qasja që i shoqi kishte në “Facebook”:
“Në datën 17 shtator 2020 pashë disa foto të tij në ‘Facebook’, të shoqëruar me një vajzë tjetër, u trondita nga sjellja e tij , mora vajzën dhe u largova në shtëpinë e prindërve“.
Në gjyqin e divorcit, Elton Bengaj Metaj insiston se nuk dëshiron të ndahet pasi e do bashkëshorten. Por, pas refuzimit të saj për t’u ribashkuar, 32-vjeçari shkoi me armë në shtëpi për ta detyruar të kthehej, ku dhe u arrestua. Megjithatë ai doli nga burgu i Zaharisë në rrethana ende të pahetuara dhe e vrau atë në prani të familjareve.
ILD nuk ka dalë ende me rezultate se kush është përgjegjës për lehtësimin e pozitës së vrasësit, ndërsa prindërit kërkojnë hetime nga SPAK ndaj gjyqtarëve dhe prokurorëve.
