Ministrja Kushi në gjimnazin ku ndodhi ngjarja e rëndë

Shqipëria

Ministrja Kushi në gjimnazin ku ndodhi ngjarja e rëndë

Më: 16 tetor 2021 Në ora: 11:16
Evis Kushi

Ministrja e Arsimit, Evis Kushi, ka zhvilluar ditën e djeshme një takim me stafin e mësuesve të gjimnazit “Andon Zako Çajupi”.

Kjo vizitë vjen vetëm pak ditë pas ngjarjes së rëndë ku u përshin dy mësuese të kësaj shkolle, të cilat konfliktin e nisur mes tyre e shndëruan në një përplasje me armë mes familjarëve.

Përmes një postimi në facebook, ministria e Arsimit bën me dije se diskutoi me zyshat problematikat që kanë nevojë për adresim në mënyrë që të lartësohet më tej dhe figura e mësuesit.

Gjithashtu ministrja u shpreh se institucioni që ajo drejton do të forcojë më tej Komisionet e Etikës dhe Disiplinës.

“Të gjitha profesionet janë të nderuara, por mësuesi mbetet në çdo kohë e në çdo vend figura më e dashur dhe më e respektuar për të gjithë. Vlerat që ai mbart janë të jashtëzakonshme dhe të pazëvendësueshme në mirëedukimin e fëmijëve tanë.

Nisur nga ngjarja e rëndë ku të përfshira ishin dy mësuese të gjimnazit “Andon Zako Çajupi” në Tiranë, dje zhvillova një vizitë pranë kësaj shkolle, e cila ndër vite ka spikatur përherë me talente e rezultate pozitive në çdo fushë.

Pasi i urova fillimisht shumë suksese e mbarësi nxënësve në këtë fillim viti shkollor, bashkëbiseduam gjerësisht me mësuesit për çështje shkollore që kanë nevojë për adresim, për lartësimin më tej të figurës së mësuesit, si dhe forcimin e vazhdueshëm të Komisioneve të Etikës dhe Disiplinës, për të garantuar vetëm mbarëvajtje në proceset e shkollës”, shkruan Evis Kushi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat