Vrau nënën me thikë dhe plagosi gjyshen, autori i krimit sapo ishte liruar nga burgu për përdhunim

Shqipëria

Vrau nënën me thikë dhe plagosi gjyshen, autori i krimit sapo ishte liruar nga burgu për përdhunim

Më: 30 nëntor 2021 Në ora: 15:52
Pamje nga vendi i ngjarjes

Detaje të reja kanë dalë nga tragjedia e ndodhur në Agrinio të Greqisë, ku një 35-vjeçar vrau me thikë nënën e tij dhe plagosi rëndë gjyshen.

Raportohet se 35-vjeçari është dënuar në vitin 2012 për grabitje në Patra dhe në vitin 2013 për përdhunim në Janinë.

Ai është paditur edhe nga nëna dhe gjyshja e tij në 2015 dhe 2017 për dhunë në familje.

Të njëjtat informacione bëjnë me dije se burri ka qenë i burgosur në të kaluarën në repartin psikiatrik të burgut të Korydallos, ndërsa së fundmi sapo kishte dalë nga burgu.

Krimi i tmerrshëm ndodhi në orët e para të së martës, 30 nëntor 2021, kur 35-vjeçari shkoi në shtëpinë ku jetonin nëna dhe gjyshja e tij dhe pasi fillimisht sulmoi nënën me duar, duke e goditur me grusht në kokë, më pas i nguli thikën.

Në të njëjtën kohë, vrasësi ka plagosur gjyshen e tij 80-vjeçare, e cila megjithatë ka arritur të lajmërojë policinë , të cilët mundën të arrestojnë autorin në tentativë për tu arratisur. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat