I arrestuar për vrasjen e ish-deputetit, babai dhe vëllai i 53-vjeçarit: Kemi sjellë provat, ka qenë në Kosovë kur ndodhi ngjarja

Shqipëria

I arrestuar për vrasjen e ish-deputetit, babai dhe vëllai i 53-vjeçarit: Kemi sjellë provat, ka qenë në Kosovë kur ndodhi ngjarja

Më: 4 dhjetor 2021 Në ora: 10:38
Babai i Marjan Kolës

Flet babai i Marjan Kolës i dyshuar si bashkëpunëtor në vrasjen e ish-deputetit Pashko Ujkës. Dedë Kola, 87 vjeç shprehet se djali i tij Marjan Kola mbrëmjen e vrasjes më 29 nëntor ka qenë në Kosovë.

Atje ndodhej bashkë me autorin e dyshuar Kristjan Kola ndërsa thotë se kanë shkuar për qejf për të blerë disa rroba. Dedë Kola shprehet se djali i tij nuk ka asnjë lidhje me vrasjen dhe madje thotë se vetëm pak minuta para vrasjes shfaqet në një poligon qitjeje në Kosove ku kanë qëndruar deri në orën 18:20, moment kur ka ndodhur vrasja në Shkodër. 87-vjeçari shprehet se nuk kanë pasur kurrë probleme dhe janë një familje që kanë edhe dëshmor. Po ashtu edhe vëllai i Marjan Kolës, Petrit Kola shprehet se vëllai i tij nuk ka asnjë lidhje me vrasjen e ndodhur pasi Marjan Kola ndodhej në Kosovë më 29 nëntor.

Familjarët e 53- vjeçarit kërkojnë drejtësi dhe lirimin e Marjan Kolës, pasi sipas tyre nuk ka asnjë lidhje me vrasjen e ish-deputetit.

Sot do të jepet dhe masa e sigurisë për autorin e dyshuar dhe bashkëpunëtorin në orën 11:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat