Erdhi dimri/ Ulen ndjeshëm temperaturat, nisin reshjet e dëborës në Korçë

Shqipëria

Erdhi dimri/ Ulen ndjeshëm temperaturat, nisin reshjet e dëborës në Korçë

Më: 7 dhjetor 2021 Në ora: 11:59
Foto ilustrim

Ulja drastike e temperaturave ka sjellë reshje dëbore në qarkun e Korçës, që kanë filluar që prej orëve të para të mëngjesit të sotëm.

Aktualisht kanë zbritur në terren 2 borëpastruese që do të bëjnë të mundur pastrimin e rrugëve, ndërsa sipas zyrtarëve të autoritetit lokal të rrugëve nacionale akset momentalisht nuk paraqesin probleme.

Firmat kontraktore kanë punuar prej orëve të para të mëngjesit, ndërsa këshillohet për drejtuesit e mjeteve kujdes maksimal në akset kryesore për shkak të prezencës së borës.

Sipas Meteoalb, sot temperaturat do të pësojnë rënie të ndejshme ku do të variojnë: në zonat malore, nga -1°C në 02°C, në zonat e ulëta nga 07°C në 12°C dhe në zonat bregdetare nga 09°C në 12°C.

Era do të fryjë në drejtim Verilindor ndërsa forca e valëzimit në det do të jetë 4-5 ballë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat