Arrestohen 4 punonjës të kompanisë “Alpetrol”, akuzohen për…

Shqipëria

Arrestohen 4 punonjës të kompanisë “Alpetrol”, akuzohen për…

Më: 8 dhjetor 2021 Në ora: 15:42
Foto ilustrim

Policia e Fierit ka vënë në pranga 4 punonjës të kompanisë “Alpetrol” për shpërdorim detyre. Policia njofton se ka vënë në pranga shtetasit:

A.K., 49 vjeç, banues në Fier, me detyrë kryetar i degës teknike Alpetrol.

S.R., 54 vjeç, banues në Fier, pergjegjës për mbarëvajtjen e seperatorëve dhe pompimit.

D.I., 56 vjeç, banues në Fier dhe D. M., 54 vjeç, banues në Ballsh, punonjës të task forcës në Alpetrol.

“Arrestimi i këtyre shtetasve u bë pas kallëzimit të bërë nga shtetasi Y. S., me detyrë Drejtor i Kabinetit të Alpetrol, se këta shtetas në datë 07.12.2021 kanë vepruar në kundërshtim me urdhërin e brendshëm të Drejtorit të kompanisë Alpetrol, duke transportuar një sasi të konsiderueshme me naftë dhe ujë teknologjik të marrë në depozitat e Usojës, e cila do të injektohej në puset e Kashit”, njofton policia.

Materialet do i kalojnë për veprime të mëtejshme Prokurorisë pranë Gjykatës së Shkallës së Parë Fier për veprën penale “Shpërdorimi i detyrës”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat