Udhëtimi ndalon në Peshkopi, i riu nga Tirana kapet me 3 klandestinë në mjet, po shkonte drejt Morinës

Shqipëria

Udhëtimi ndalon në Peshkopi, i riu nga Tirana kapet me 3 klandestinë në mjet, po shkonte drejt Morinës

Më: 10 dhjetor 2021 Në ora: 16:02
Foto ilustrim

Një 21-vjeçar, banues në Tiranë, ra në prangat e policisë së Dibrës pasi u kap duke transportuar 3 emigrantë të paligjshëm kundrejt shpërblimit.

I arrestuari është shtetasi me iniciale S. K.

"Shtetasi i mësipërm është kapur nga shërbimet e policisë, në dalje të qytetit të Peshkopisë, me mjetin tip 'Ford',  duke transportuar 3 emigrantë të paligjshëm, të cilëve kundrejt shpërblimit iu kishte premtuar kalimin në pikën e kalimit kufitar të Morinës, me destinacion më pas drejt vendeve të BE-së" bën me dije policia.

Vijojnë hetimet për identifikimin e personave të tjerë të implikuar në këtë aktivitet kriminal.

Materialet në ngarkim të tij i kaluan Prokurorisë së Rrethit Gjyqësor Dibër për veprën penale "Ndihma për kalim të paligjshëm të kufijve", dhe "Drejtim i automjetit në mënyrë të parregullt".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat