Shtyhet orari për të votuar ‘shkarkimin’ e Bashës: Procesi vijon derisa të votojë anëtari i fundit i PD

Shqipëria

Shtyhet orari për të votuar ‘shkarkimin’ e Bashës: Procesi vijon derisa të votojë anëtari i fundit i PD

Më: 18 dhjetor 2021 Në ora: 17:23
Foto ilustrim

Komisioni i Organizimit të Kontrollit dhe Operacioneve Elektorale ka vendosur që orari i votimit të shtyhet deri në orën 18:00.

Nëse edhe pas orës 18:00 ka fluks votuesish pranë qendrave të votimit, procesi i votimit të vijojë deri sa të ketë votuar edhe anëtari i fundit i Partisë Demokratike, njofton Komisioni.

34.105 demokratë kanë votuar deri në orën 15:00, në referendumin për shkarkimin e kryetarit Lulzim Basha, sipas Albana Vokshit.

Vokshi dha raportimin e radhës, për procesin e votimit në të gjithë vendin, ku theksoi se shifrat janë siç i kanë dërguar komisionerët.

Në Shkodër, kanë votuar 3660 demokratë, në Lezhë 2670, në Kukës 15550, në Dibër 1529, në Tiranë 7536, në Elbasan 2796, në Berat 893, në Korçë 2655, në Fier 3415, në Gjirokastër 1288, në Vlorë 1273.

“Në shumë qendra votimi, është tejkaluar numri i votuesve të datës 13 qershor për Lulzim Bashën (kur Basha u rizgjodh kryetar). Fluksi është i lartë dhe presim që të vazhdojë të jetë i lartë. Disa mbarojnë punën në pesë, do t’i presim, do t’i japim të gjithëve të drejtën e votës”, deklaroi Vokshi.

Votimi në referendumin e thirrur nga Berisha nisi sot në orën 08:00, për shkarkimin e Lulzim Bashës.

comment Për komente lëvizni më poshtë
Sot mund të lexoni Shfletoni kopertinat