Erdogan mbërrin në Shqipëri, LSI del me reagimin e fortë: Të shitur!

Shqipëria

Erdogan mbërrin në Shqipëri, LSI del me reagimin e fortë: Të shitur!

Më: 17 janar 2022 Në ora: 11:27
Rexhep Tajip Erdogan dhe Edi Rama

Pak çaste më parë ka mbërritur në vendin tonë Presidenti i Turqisë, Rexhep Tajip Erdogan, i cili u prit me një ceremoni zyrtare nga kryeministri Edi Rama.

Lidhur me vizitën e Erdogan dhe pritjen e rezervuar ka reaguar në rrjetet sociale, Petrit Vasili, nënkryetar i LSI, i cili shkruan se “një qeveri batakçinjsh, të shitur dhe pa personalitet, nuk flet asgjë, por më të rëndësishme ka t’ju bëjë hosana pesë kacidheve lëmoshe e tu lëpijë këmbët sevapçinjve”.

Postimi i plotë:

Kepucelepirsit e qeverise perballe lavdise shekullore e madheshtore te Skenderbeut tone!

Nderi dhe krenaria shume shekullore e Skenderbeut ndrin dhe eshte nderi i cdo shqiptari.

Ndrin dhe shkelqen ane e mbane botes.

Eshte pranuar kjo madheshti e Skendebeut me perulesi dhe nderim nga miqte dhe armiqte.

Ja çthone me gojen e tyre.

Sulltan Mehmeti  kur mori vesh për vdekjen e Kryeheroit  tonë tha:

”Luan të tillë nuk do ta lindë më dheu kurrë.

Mjerë krishtërimi që i iku shpata e mburoja”.

Mbreti Ferdinand i Napolit e quante Baba!

Papët Nikola, Kalisti e Piu i Dytë e quanin "Atlet i Krishtit".

Mbretëresha Elisabetë e Parë: "Shfarosës i turqëve".

Ndersa Volteri shprehej:

” Sikur perandoret e Bizantit të ishin si Skenderbeu, Perandoria e Lindjes do të kishte shpëtuar”.

Nje shesh madheshtor " Piazza Albania"  ndodhet ne Rome ku ndrin e nderohet Statuja e Skenderbeut mbi kale, pikerisht ne kryeqendren e Cezareve dhe te perandorise me te lavdishme te te gjithe kohrave perandorise Romake.

Armet e tij ruhen me nderim ne Muzeun e Vjenes.

Ndersa ne Shqiperi nje qeveri batakçinjsh, te shitur dhe pa personalitet, nuk flet asgje, por me te rendesishme ka t'ju beje hosana pese kacidheve lemoshe e tu lepije kembet sevapçinjve.

Skenderbeu ndrin dhe kurajua krenare e tij per tu perballur e per te lartesuar emrin e Arberit do te na udheheqe gjithmone.

Sa per kepucelepirsit ka nje vend edhe per ta ne koshin e plehrave te historise.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat