Çfarë ndodhi orët e fundit në Fier: Arrestohet një person, shpallet në kërkim një tjetër

Shqipëria

Çfarë ndodhi orët e fundit në Fier: Arrestohet një person, shpallet në kërkim një tjetër

Më: 3 mars 2022 Në ora: 13:58
Foto ilustrim

Një 44-vjeçar i identifikuar me inicialet F.Rr., banues në Fier është arrestuar nga policia pasi duke drejtuar automjetin tip “Peugeot”, në gjendje të dehur, është përfshirë në një aksident me disa mjete të tjera, duke shkaktuar dëme materiale.

Ndërsa një 43-vjeçar i identifikuar si E.T., u shpall në kërkim për veprat penale “Kanosja” dhe “Shkatërrimi i pronës” pasi në fshatin Sheqishtë, Patos, për motive të dobëta, dyshohet se ka kanosur me sende të forta V. B., 56 vjeç, si dhe i ka dëmtuar automjetin atij.

Po nga specialistët për Hetimin e Krimeve u proceduan penalisht për veprën penale “Dëmtime të tjera me dashje” shtetasit A. B., 33 vjeç dhe A. L., 46 vjeç, pasi për motive të dobëta janë konfliktuar me grushte me njëri-tjetrin.

Materialet i kaluan Prokurorisë, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat