Molotov poshtë makinës, policia sqaron ngjarjen: Nuk ishte në pronësi të Taulant Tushës! Ja kujt i përkiste mjeti

Shqipëria

Molotov poshtë makinës, policia sqaron ngjarjen: Nuk ishte në pronësi të Taulant Tushës! Ja kujt i përkiste mjeti

Më: 25 mars 2022 Në ora: 21:09
Taulant Tusha

Policia e Tiranës ka dhënë një sqarim lidhur një ngjarje pasditen e sotme ku një person ende i paidentifikuar ka hedhur një shishe me lëndë djegëse poshtë një makine të parkuar pranë Bashkisë së Tiranës.

Uniformat blu sqarojnë se pas verifikimeve të kryera, automjeti nuk rezultoi i Taulant Tushës, drejtorit të Punëve Publike në Baskinë e Tiranës, por e Ndërmarrjes së Ujësjellësit (UKT).

Njoftimi i policisë:

Në lidhje me informacionin paraprak të dhënë për ngjarjen e ndodhur pak më parë ku një shtetas ende i paidentifikuar, ka hedhur një shishe, dyshohet me lëndë djegëse, poshtë një automjeti, ju informojmë se: Pas verifikimeve të kryera, ka rezultuar që automjeti nuk është në pronësi të shtetasit T. T., por në pronësi të UKT-së Bashkisë Tiranë.

Ngjarja ndodhi pasditen e sotme në afërsi të Bashkisë së Tiranës. Sipas policisë, një person i paidentifikuar, i cili lëvizte me një biçikletë, i është afruar makinës dhe ka hedhur një shishe me lëndë djegëse poshtë saj.

Fatmirësisht, zjarri është fikur menjëherë. Policia po punon për identifikimin dhe kapjen e autorit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat