Ish-deputeti Asllan Dogjani, ka komentuar edhe arrestimin e Alqi Bllako-s, pasi ky i fundit akuzohet se i përfshirë në aferën e incineratorëve.
Në një intervistë për Ora News, Dogjani u shpreh se nuk beson që shuma prej 430 milionë euro ka kaluar pa dijeninë e Kryeministrit Edi Rama.
Duke lënë të nënkuptohet se edhe Rama është i përfshirë në këtë aferë, Dogjan i tha se asnjë herë nuk është vonë për të goditur korrupsionin.
Asllan Dogjani: Kur bëhet fjalë për shumën 430 milionë euro, unë duke u nisur nga eksperienca, nuk besoj se një shumë e tillë, të kalojë pa dijeninë e Kryeministrit. Megjithatë asnjëherë nuk është vonë për të goditur korrupsionin. Këtu nuk është vetëm problemi incineratori. Isha dje në Kukës dhe pashë se ku kishte shkuar liqeni i Kukësit, gjë e cila nuk kishte ndodhur kurrë më parë. Kjo ka të bëjë me menaxhimin, dhe jo me reshjet e shiut. Kjo është një problem dhe një vjedhje shumë e madhe që është bërë nga energjia elektrike. Qytetarët janë në një krizë të jashtëzakonshme. Çdo krim duhet të dënohet dhe duhet të mbajnë përgjegjësi të gjithë ata që shkelin ligjin.
