Nuk shënohet asnjë vdekje nga Covidi në Shqipëri, ja sa raste të reja janë regjistruar në 24-orët e fundit

Gjatë 24-orëve të fundit në vend nuk është shënuar asnjë vdekje nga virusi Covid-19, ndërkohë që janë regjistruar 37 infektime të reja nga 593 testime të kryera.

Ministria e Shëndetësisë bën me dije se aktualisht në spitalin COVID3 po marrin trajtim mjekësor 7 pacientë.

Lajm i mirë për sa i përket personave të shëruar, ku vetëm gjatë 24-orëve të fundit bëhet me dije se janë rikuperuar plotësisht nga infeksioni 24 qytetarë, duke e çuar numrin e përgjithshëm të të shëruarve në 270,893 që nga fillimi i epidemisë.

Njoftimi i MSh:

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar.

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.

Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 593 testime, nga të cilat kanë rezultuar pozitivë me COVID19, 37 qytetarë, në këto bashki:

18 në Tiranë, 3 në Dimal, nga 2 qytetarë në Pogradec, Vlorë, Lushnje, Fier, Durrës, nga 1 qytetar në Shkodër, Lezhë, Dibër, Himarë, Gjirokastër, Berat.

Janë 439 pacientë aktivë me COVID-19 në të gjithë vendin.

Aktualisht në spitalin COVID3 po marrin trajtim 7 pacientë. Në 24 orët e fundit nuk ka asnjë humbje jete me Sars-Cov2.

Janë shëruar 24 qytetarë gjatë 24 orëve të fundit, duke e çuar numrin e të shëruarve në 270,893 që nga fillimi i epidemisë.

Statistika (24 Prill 2022)

Raste të reja ditore          37

Të shëruar në 24 orë        24

Të shtruar në spitale         7

Humbje jete në 24 orë      0

Testime ditore                 593

Testime totale               1,800,323

Raste pozitive                  274,828

Raste të shëruara             270,893

Raste Aktive                         439

Humbje jete                        3,496

Shpërndarja gjeografike e rasteve aktive sipas qarqeve:

Tiranë            302

Vlorë               34

Fier                  32

Korçë              15

Gjirokastër       12

Berat                12

Shkodër           9

Durrës               9

Elbasan            7

Kukës               3

Lezhë                    3

Dibër                     1