Festë me drogë në lumin Buna, një 19-vjeçar në pranga, dy nën hetim

Shqipëria

Festë me drogë në lumin Buna, një 19-vjeçar në pranga, dy nën hetim

Më: 15 maj 2022 Në ora: 16:27
Foto ilustrim

Një 19-vjeçar është arrestuar dhe dy të tjerë janë vënë nën hetim, pasi iu gjetën kanabis gjatë një feste në lumin Buna.

Në ishullin e lumit Buna, në fshatin Zus të Shkodrës, po organizohej një festë në ambient të hapur dhe po konsumohej drogë.

Gjatë operacionit policor të koduar ”Ishulli”, u arrestua A. G., 19 vjeç, banues në lagjen “Guerrile”  Shkodër, për veprën penale “Prodhimi dhe shitja e narkotikëve” dhe u vunë nën hetim S. H., 24 vjeç, banues në lagjen “Guerrile” Shkodër e F. B., 27 vjeç, banues në Tiranë, për veprën penale “Prodhimi dhe shitja e narkotikëve”.

Si rezultat, u sekuestruan në cilësinë e provës materiale dhjetëra doza cannabis sativa dhe një sasi e vogël lënde e dyshuar narkotike kokainë.

Sipas policisë, materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat