Raporti i SHISH: Shqipëria shfrytëzohet si vend tranzit për kalimin drejt BE! Rreziku i infiltrimit nga organizata terroriste, prezent!

Shqipëria

Raporti i SHISH: Shqipëria shfrytëzohet si vend tranzit për kalimin drejt BE! Rreziku i infiltrimit nga organizata terroriste, prezent!

Më: 24 qershor 2022 Në ora: 20:37
Foto ilustrim

Në raportin e publikuar nga Shërbimi Informativ Shtetëror për vitin 2021, thuhet se numri i përgjithshëm i kalimeve ilegale të kufirit përgjatë këtij viti ishte më i larti i regjistruar që nga viti 2017.

Sipas SHISH rruga e Ballkanit Perendimor ka shënuar një rritje me 124 % të kufirit në 2021, krahasuar me 2020.

Sakaq rreziku i përdorimit të emigracionit të jashtëligjshëm nga organizata terroriste për të infiltruar operativë terroristë mbetet prezent.

Raporti:

Emigracioni i jashtëm

Emigrantët e paligjshëm nga vendet MENA vijojnë ta shfrytëzojnë Shqipërinë si tranzit për kalimin në vendet e BE-së.

Rrjete të trafikut të qenieve njerëzore janë të përfshira në të shumtën e rasteve për të ndihmuar kalimet e jashtëligjshme.

Në varësi të situatës në vendet e konfliktit, por edhe në Afganistan, pas marrjes së pushtetit nga Talebanët, çka solli përkeqësim të situatës humanitare atje, fluksi i emigracionit të paligjshëm mund të njohë rritje në rrugën e Ballkanit, me synim kalimin tranzit drejt vendeve perëndimore.

Sipas të dhënave paraprake të FRONTEX, numri EMIGRACIONI I JASHTËLIGJSHËM i përgjithshëm i kalimeve ilegale të kufirit gjatë vitit 2021 ishte numri më i lartë i regjistruar që nga vitit 2017. Rruga e Ballkanit Perëndimor ka shënuar një rritje me 124% të rasteve të raportuara, për kalim të paligjshëm të kufirit në 2021, krahasuar me vitin 2020.

Ndërkohë, në Shqipëri është regjistruar hyrja nga kufijtë e saj tokësorë dhe kalimi tranzit në territorin e saj e rreth 18.000 emigrantëve të paligjshëm, shumica prej të cilëve janë me origjinë nga vendet e MENA-s.

Rreziku i përdorimit të emigracionit të jashtëligjshëm nga organizata terroriste për të infiltruar operativë terroristë mbetet prezent.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat