SHISH verifikoi mbi 21 mijë politikanë dhe zyrtarë të lartë në administratë, tetë personave iu refuzua qëndrimi në Shqipëri

Shqipëria

SHISH verifikoi mbi 21 mijë politikanë dhe zyrtarë të lartë në administratë, tetë personave iu refuzua qëndrimi në Shqipëri

Më: 25 qershor 2022 Në ora: 11:05
Foto ilustrim

Janë mbi 21 mijë zyrtarë, politikanë dhe zyrtarë të lartë të administratës që janë verifikuar nga Shërbimi Informativ Shtetëror brenda vitit 2021, thuhet në raportin e këtij institucioni.

Në procesin e kontrollit dhe verifikimit të figurës, SHISH është njëri prej autoriteteve verifikuese për parandalimin e aksesit të dëmshëm në informacionin e klasifikuar, luftën ndaj korrupsionit dhe për të parandaluar hyrjen e elementëve për aktivitete inteligjence dhe terroriste.

SHISH vlerëson se dinamika e subjekteve për verifikim ka ardhur në rritje, raporton Oranews.

“Në total janë bërë 5056 kthime përgjigjesh me praktika shkresore. Janë kryer verifikimet për 21.130 subjekte. Janë realizuar në kohë reale përgjigjet në sistemin elektronik E-viza (në total 5292), nga të cilat 5 përgjigje negative dhe në sistemin elektronik E-Leje qëndrimi (në total 10827), nga të cilat 8 përgjigje negative” thuhet në raportin zyrtar të SHISH publikuar dje.

Gjithashtu ka vijuar bashkëpunimi dhe kontributi konkret në kuadër të verifikimit të figurës për organet e reja të drejtësisë dhe sipas Memorandumit të Bashkëpunimit janë realizuar edhe 59 takime me KPK/OMN

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat