Çfarë ndodhi në biznesin në Tiranë? Policia rrethoi zonën me shirit, pasi hapi kamerat dhe kreu verifikimet rezultoi se…

Shqipëria

Çfarë ndodhi në biznesin në Tiranë? Policia rrethoi zonën me shirit, pasi hapi kamerat dhe kreu verifikimet rezultoi se…

Më: 25 qershor 2022 Në ora: 12:05
Foto ilustrim

Policia e Tiranës e ka mohuar që një farmaci në zonën e Xhamllikut është grabitur mëngjesin e sotëm, siç u raportua fillimisht nga dëshmitarë që thanë se ishin marrë disa para nën kërcënimin e armës. Në një njoftim për mediat, policia thotë se sot, ka marrë njoftim se në një farmaci, në xhamin e jashtëm të farmacisë ka një shenjë (ciflosje).

“Nga verifikimet e kryera, ka rezultuar se është konstatuar një sferë e armëve me ajër e cila nuk ka tejshpuar xhamin. Nga këqyrja e kamerave të sigurisë nuk është konstatuar asnjë person apo mjet që është afruar në drejtim të farmacisë”, thuhet në njoftim.

Policia mbërriti në vendin ku u raportua se kishte ndodhur grabitja dhe rrethoi zonën me shiritin e verdhë, siç shihet në fotot.

Njoftimi nga Policia Tiranë

Në lidhje me një lajm të publikuar në portale për grabitje të një farmacie nën kërcënimin e armës, ju sqarojmë se lajmi është i pavërtetë.

Më datë 25.06.2022, është marrë njoftim se në një farmaci, në xhamin e jashtëm të farmacisë ka një shenjë (ciflosje).

Shërbimet e Policisë kanë shkuar menjëherë në adresën e dhënë dhe nga verifikimet e kryera, ka rezultuar se është konstatuar një sferë e armëve me ajër e cila nuk ka tejshpuar xhamin.

Nga këqyrja e kamerave të sigurisë nuk është konstatuar asnjë person apo mjet që është afruar në drejtim të farmacisë.

Drejtoria Vendore e Policisë Tiranë kërkon mirëkuptimin e mediave dhe para se të publikojnë lajme të kërkojnë informacion pranë DVP Tiranë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat