Një person qëllon me armë zjarri në drejtim të një grupi fëmijësh, i afrohet njërit prej tyre dhe e godet me qytën e pistoletës!

Shqipëria

Një person qëllon me armë zjarri në drejtim të një grupi fëmijësh, i afrohet njërit prej tyre dhe e godet me qytën e pistoletës!

Më: 4 korrik 2022 Në ora: 20:04
Foto ilustrim

Një ngjarje e rëndë ka ndodhur pasditen e sotme në qytetin e Shkodrës. Sipas burimeve një person rreth 30 vjeç ka qëlluar me pistoletë në drejtim të një grupi fëmijësh 13- 15 vjeç.

Ngjarja ka ndodhur në afërsi të shkollës “28 nëntori”, në qendër të qytetit të Shkodrës. Personi, i cili lëvizte me biçikletë, është afruar pranë vendit të quajtur “Lapidari” ku po rrinin fëmijët dhe në rrethana të paqarta, ka qëlluar me pistoletë në drejtim të tyre.

Fatmirësisht fëmijët kanë pikasur personin dhe janë larguar me shpejtësi. Plumbi fatmirësisht nuk ka prekur asnjë nga fëmijët, teksa ka përfunduar në pjesën e pasme të një kondicioneri në një lokal aty afër.

Sipas burimeve ky person, ka goditur me qytën e pistoletës një nga fëmijët. Ashtu siç ka ardhur me biçikletë, personi rreth 30 vjeç është larguar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat