“Kini kujdes se...”/ Zbulohet mesazhi i fundit i Ervis Martinajt dërguar familjarëve, mister fati i tij

Shqipëria

“Kini kujdes se...”/ Zbulohet mesazhi i fundit i Ervis Martinajt dërguar familjarëve, mister fati i tij

Më: 11 gusht 2022 Në ora: 12:10
Ervis Martinaj

I shumëkërkuari i policisë Ervis Martinaj ka humbur kontaktet me familjarët prej disa ditësh. Xhaxhai i tij Faik Martinaj ka kallëzuar në prokurori zhdukjen e nipit.Faik Martinaj, babai i Brilant Martinaj i vrarë në masakrën e Fushë-Krujës ka depozituar një kallëzim penal ku pretendon se ka humbur kontaktet me nipin e tij.

Xhaxhai ka deklaruar se ka pasur kontakte me njerëz të tjerë që komunikonim me nipin. Dy ditë më parë një shok i Ervis Martinaj ka shkuar në shtëpinë e tij dhe i ka thënë se ka humbur kontaktet me të.

Familjarët dyshojnë se atij mund t’i ketë ndodhur diçka e keqe, për faktin se ka armiq të shumtë dhe se është në kërkim ndërkombëtar.

Informacioni nga policia është i ngurtë dhe nuk përjashtohet dhe mundësia e një inskenimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat