Leskaj ngre alarmin: Porti i Vlorës si Porti i Durrësit, sekti ‘Rama’ do të përfitojë pjesën e ‘luanit’

Shqipëria

Leskaj ngre alarmin: Porti i Vlorës si Porti i Durrësit, sekti ‘Rama’ do të përfitojë pjesën e ‘luanit’

Më: 16 gusht 2022 Në ora: 08:17
Bujar Leskaj

Deputeti i Partisë Demokratike, Bujar Leskaj, me anë të një postimi në rrjetin social 'Facebook' ka bërë një paralelizëm të situatës për skemën e Portit të Durrësit që sipas deputetit do ndodhë e njëjta gjë edhe me Portin e Vlorës.

“Në Vlorë nuk ka arabë...Për rolin e grabitësit , sektit Rama, i cili qëndron në krye duke vënë “sekser” një kompani arabe, e cila do të marrë nga Qeveria truallin, do t’ua japë privatëve shqiptarë ta ndërtojnë me lekët e tyre dhe paguhen me objekte, të cilat më pas do t'i shesin (ose menaxhojnë) për të fituar dhe për të marrë paratë e kostove të ndërtimit apo diçka më tepër. Dhe patjetër: sekseri, sekti Rama do të përfitojë pjesën e Luanit! Kështu do të ndodhë edhe me Portin e Vlorës ?! Në Vlorë nuk ka arabë..., gjithë të tjerat janë njësoj! Porti i Vlorës, si Porti i Durrësit!”, tha ai.

Ndërkohë, kujtojmë se projekti për portin e ri të Durrësit u prezantua pak kohë më parë gjatë një takimi të Kryeministrit Rama në zyrën e tij me projektuesit holandezë të kësaj vepre. Projekti për portin e ri të Durrësit, që pritet të transformojë e të zhvillojë më tej qytetin bregdetar duke krijuar lidhjet me të gjithë rajonin.

Projektuesit holandezë në takimin me kryeministrin Edi Rama, premtuan që porti ofron mundësi të shumta e punimet do të nisin së shpejti për të shpalosur vizionin e ri për këtë vepër. Ecuria e projektit, sipas grupit të punës është premtuese, ndërsa për kryeministrin Rama projekte të tilla që ndryshojnë infrastrukturën e vjetër në një port modern e shumë funksional janë thelbi i vizionit për Shqipërinë 2030.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat